2016-10-30 22:03:29, 716 ნახვა
პოლიტიკა
ცესკო: არჩევნების დღემ საარჩევნო უბნებზე ძირითადად მშვიდ გარემოში ჩაიარა
ცენტრალურ საარჩევნო კომისიაში არჩევნების მეორე ტურის დღის შემაჯამებელი ბრიფინგი გაიმართა.
საარჩევნო ადმინისტრაციის ინფორმაციით, არჩევნების დღემ საარჩევნო უბნებზე ძირითადად მშვიდ გარემოში ჩაიარა.
„ამომრჩევლებს ჰქონდათ შესაძლებლობა, საკუთარი ნება გამოეხატათ და დაეფიქსირებინათ თავიანთი არჩევანი. საარჩევნო უბნების დახურვის შემდეგ, საუბნო -საარჩევნო კომისიებმა დაიწყეს ხმის დათვლის პროცედურების განხორციელება“,-განაცხადა ცესკო-ს სპიკერმა ანა მიქელაძემ.
მისივე თქმით, ცესკო-ს საინფორმაციო ცენტრში 441 ზარი და ონლაინ ჩატის მეშვეობით45 შეტყობინება შევიდა. საინფორმაციო ცენტრის ცხელი ხაზი და ონლაინ ჩატი 12:00 საათამდე იმუშავებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
