"ისლამურმა სახელმწიფომ" პაკისტანში მომხდარ ტერაქტზე პასუხისმგებლობა აიღო, - ამის შესახებ ინფორმაციას BBC ავრცელებს.

მედია საშუალების ცნობით, პაკისტანის დასავლეთ ნაწილში მდებარე ქალაქ კვეტაში პოლიციის აკადემიაზე თავდასხმის შედეგად 60 ადამიანი გარდაიცვალა, 120-ზე მეტი კი დაშავდა.

თავდაპირველად ვრცელდებოდა ინფორმაციას, რომ ტერაქტში 5-6 თავდამსხმელი მონაწილეობდა, აქედან 3-ს ე.წ შაჰიდის ქამარი ეკეთა.

აკადემიის ერთ-ერთი კურსანტის თქმით, ტერორისტებმა ჯერ ცეცხლი გახსნეს და თავის აფეთქებით იმუქრებოდნენ.

ორმა თვითმკვლელმა ტერორისტმა თავი კურსანტების საერთო საცხოვრებელში აიფეთქა. აფეთქებების შედეგად აკადემიის ბევრი კურსანტი გარდაიცვალა.

მესამე ტერორისტმა თავის აფეთქება ვერ მოასწრა, რადგან სპეცრაზმმა მისი ლიკვიდაცია მოახდინა.

ქალაქ კვეტაში სეპარატისტების და ისლამისტების შეტაკებები საკმაოდ ხშირია. ცნობისთვის, აგვისტოში ერთ-ერთი შეტაკების დროს 88 ადამიანი გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს