მთავრობის ადმინისტრაცია პრემიერ-მინისტრისთვის ბატუტიანი საწოლის შესყიდვას არ ადასტურებს.

როგორც მთავრობის ადმინისტრაციის უფროსმა მაია ცქიტიშვილმა "ნაციონალური მოძრაობის" წევრ ირმა ნადირაშვილის მიერ გამოქვეყნებულ ინფორმაციასთან დაკავშირებით განაცხადა, საწოლი ნამდვილად შეისყიდეს, თუმცა ის ბატუტიანი არ არის და მისი ღირებულება 24 000 ლარის ნაცვლად,  2 200 ლარია.

"ბატუტიანი საწოლის შესყიდვა არ მომხდარა.ეს არის ალბათ იტალიურიდან არასწორად თარგმანი.საწოლის შესყიდვა ნამდვილად მოხდა. იყო ერთი საწოლი, რომელიც ღირდა არა 24 000 ლარი, არამედ 950 ევრო, ანუ 2200 ლარი.საწოლი გათვალსწინებულია პირველი პირისთვის, რომელსაც უწევს ხშირ შემთხვევაში დილის 4 საათამდე მუშაობა. ალბათ ეს კითხვა მაშინაც უნდა დაგვესვა, როდესაც ხდებოდა ძალიან ბევრი საწოლის შეძენა და მაშინ, როდესაც ჩვენ წინა ხელისუფლებისგან განსხვავებით,  არ ვადებთ ამ ინფორმაციას საიდუმლო გრიფს",-განაცხადა მაია ცქიტიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა