ადმინისტრაციულ სამართალდარღვევათა ოქმი უნდა შედგეს პიროვნების შესახებ, რომელიც იმყოფება უშუალოდ ქვეყანაში. თუკი ის არ იმყოფება საქართველოს ტერიტორიაზე, ამ შემთხვევაში ადმინისტრაციულ სამართალდარღვევათა ოქმის შედგენას არანაირი აზრი არ აქვს, - ამის შესახებ ცესკო-ს პრესსმდივანმა ანა მიქელაძემ მიხეილ სააკაშვილის საარჩევნო პროცესებში ჩართულობასთან დაკავშირებით განაცხადა.

ჟურნალისტის კითხვაზე, რატომ არ რეაგირებს ცესკო მიხეილ სააკაშვილის მიერ წინასაარჩევნო პროცესებში მონაწილეობაზე, მიქელაძემ აღნიშნა, რომ მას ვერანაირი კანონმდებლობა ვერ დაავალდებულებს სახდელის გადახდას. 

"თუ პირი არ იმყოფება საქართველოს ტერიტორიაზე,  ამ შემთხვევაში ადმინისტრაციულ სამართალდარღვევათა ოქმის შედგენას არანაირი აზრი არ აქვს, იქიდან გამომდინარე, რომ ვერანაირი კანონმდებლობა ვერ დაავალდებულებს მას ამ სახდელის გადახდას ან სანქციის შესრულებას",- აღნიშნა მიქელაძემ.

როგორც ცესკო-ს პრესმდივანმა განმარტა, საარჩევნო კანონმდებლობაში სწორედ ეს მუხლი გახდა იმის საფუძველი, რომ საარჩევნო ადმინისტრაციამ არ მოახდინა იმ ტიპის რეაგირება რა ტიპის რეაგირებაზეც აქვთ საუბარი ადგილობრივ სადამკვირვებლო ორგანიზაციებს.

ამასთან მანვე აღნიშნა, რომ საარჩევნო ადმინისტრაცია ამ საკითხზე დამატებით იმსჯელებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ