საქართველოს პარლამენტის თავჯდომარის დავით უსუფაშვილის განცხადებით, პოლიტიკურ ძალთა შორის ფართო კონსესუსი აუცილებელია და ამ მიმართულებით მუშაობაა საჭირო.

როგორც უსუფაშვილმა სასტუმრო „რედისონში“  ქალთა პოლიტიკური მონაწილეობის საკითხებზე მიმიდნარე  შეხვედრაზე სიტყვით გამოსვლისას განაცხადა,  პოლიტიკურ ძალებს შორის სასურველია მეტი კონსულტაციები იყოს.

უსუფაშვილი „რესპუბლიკური“  პარტიის სახელით აცხადებს, რომ კონსულტაციების პროცესში  აქტიურად ჩართვა სურთ.

თუმცა, მან  აქვე აღნიშნა, რომ „ია –ვარდით მოფენილი გზა, არც „რესპუბლიკელების“ შიგნითაა“.

პარლამენტის თავჯდომარის შეფასებით, საკითხზე პოზიციის ჩამოსაყალიბებლად, უნდა იმსჯელონ, იკამათონ და გადაწყვეტილება ისე მიიღონ.

„ვფიქრობ, რომ მომავალი საპარლამენტო არჩევნებისთვის შეგვიძლია მნიშვნელოვანი ნაბიჯები გადავდგათ.  აუცილებელია,  პოლიტიკურ ძალთა შორის ფართო კონსესუსი.  ამაზე უნდა ვიმუშაოთ, რადგან გადაწყვეტილების მიღებისას საჭიროა ხმათა გარკვეული რაოდენობა, პოლიტიკურ ძალებს შორის მეტი კონსულტაციებია საჭირო. პარტიის სახელით ვამბობ, რომ გვინდა ამ პროცესში ჩავერთოთ, თუმცა, აქვე მოგეხსენებათ, რომ ია – ვარდით მოფენილი გზა არ არის არც „რესპუბლიკელების“ შიგნით. მე ახლა რომ ვსაუბრობ, თან მახსენდება რამდენიმე გვარი და სახელი და აქედან რომ გავალ, ვიცი მომხვდება, რადგან ბევრს ლაპარაკობ შენ მანდო. რესპუბლიკურ პარტიაში გვაქვს ეს ტრადიცია, რომ ვიმსჯელოთ, ვიკამათოთ და მივიღოთ გადაწყვეტილება. ვთხოვ ყველა პარტიას, ვიმსჯელოთ, ვიკამათოთ, გავითვალისწინოთ მოსაზრებები და შემდეგ პოზიციები ჩამოვაყალიბოთ და ეს პოზიციები იყოს მკაფიო“, – აღნიშნა დავით უსუფაშვილმა.

რაც შეეხება პარლამენტში ქალთა მონაწილეობის გაზრდას, უსუფაშვილმა  აღნიშნა, რომ ეს სჭირდებათ არა იმდენად ქალებს, რამდენადაც კაცებს, რადგან საუბარია საქმის კეთებაზე  და არა პრივილეგიებზე.
„ქალთა მონაწილეობის გაზრდა სჭირდებათ არა იმდენად ქალებს, რამდენადაც კაცებს, აქ საუბარია საქმის კეთებაზე, და არა პრივილეგიებზე. პარლამენტში მეტი ქალი ეს არ ნიშნავს მეტ პრივილეგირებულ ქალს. ეს ნიშნავს მეტი ქალის ჩართულობას  ჯოჯოხეთურ შრომაში. პარლამენტარობა მისთვის არის კატორღული შრომა, პარლამენტარობას კაცები უფრო ახერხებენ თუ ქალები, ამაზე კომენტარს არ გავაკეთებ. რაღაც პრივილეგიები შეიძლება ქალებისადმი, მაგალითად ავტობუსში ადგილს დავუთმობ, პარლამენტში არა. ეს თემა გადაწყვეტილების ფაზისკენ უნდა გავიდეს.  მინდა ხაზი გავუსვა ერთ გარემოებას, ხშირად საზოგადოებაში განცდა ასეთია, რომ კანონით გაკეთებულად ჩაითვლება საქმე, ეს ასე არ არის“, – განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“

მარიამ მეყანწიშვილი - არცერთმა არ აღაირა ის, რაც არ ჩაუდენიათ, თქვენთვის ვიბრძოლებ გარედან