საქართველოს ყოფილი პრემიერ-მინისტრი ბიძინა ივანიშვილი „ნაციონალური მოძრაობის“   რეიტინგთან დაკავშირებით, "რუსთავი2"-ის მეშვეობით გავრცელებულ ინფორმაციას,  სიცრუეს უწოდებს.

როგორც ივანიშვილმა  GDS-ის გადაცემაში განაცხადა, მისი სიტყვები კონტექსტიდან იყო ამოგლეჯილი და ისე ნაჩვენები, თითქოს, მიიჩნევდა, რომ „ნაციონალურ მოძრაობას“ 30%-იანი რეიტინგი ჰქონდა. ამასთან, ივანიშვილი პარტიულ რეიტინგებთან დაკავშირებით, „რუსთავი2“-ის დაკვეთით ჩატარებულ კვლევებსაც აკრიტიკებს:

"როგორ არ უნდა გიყვარდეს საკუთარი საზოგადოება, რომ მას ასე მოექცე? ეს კითხვა მაქვს თუნდაც იმ ამომრჩეველთან, რომელიც შემორჩა "ნაციონალურ მოძრაობას". ნახონ ჩემს ნათქვამს "რუსთავი2" როგორ ამახინჯებს, 30% როგორ შემოაქვს და რაც მთავარია, მათი გაქცეული ლიდერიდან დაწყებული და აქაური ლიდერებიც საკუთარი შტაბიდან, სასწრაფოდ ახმოვანებენ, რომ ივანიშვილიც კი აღიარებს 30%-ს. რაში სჭირდება? ამით გამართლება უნდათ 26%-ის, რომელიც მოიტყუეს. ასეთი მარტივი სიცრუით უნდოდათ რთული სიცრუის გამართლება. რა დაეჯერება მაგათ კვლევებს? წარმოიდგინეთ, ეგზიტპოლებს რომ „რუსთავი2“ ჩაატარებს, თანაც გამოდის მაგათი უკრაინელი ლიდერი და ამბობს, რომ, უკრაინაში გაქცეული ლიდერი, თორე ამაზეც აღზევდებიან, თუმცა უკრაინელია, საქართველოს მოქალაქეობაზე  უარი თქვა მაგან, ტყუილად არ წამომცდენია, აი, როგორ უკუღმა აქვთ ამ საცოვდავებს ყველაფერი დაყენებული და კიდევ შედეგებს ელოდებიან, მანაც გაიმეორა მოკლედ ეს სიცრუე. ძალიან ცუდ დღეში არიან, არ აქვთ რესურსი, გააცნობიერეს, რომ არ გამოუვიდათ, საზოგადოება არაა ისეთი სულელი, როგორც ეგონათ“,-განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.