ძალიან ცუდი ფაქტი მოხდა, გარდაიცვალა 15 წლის მოზარდი, თუმცა ამით სპეკულირება, რომ ეს არის ხელისუფლების ბრალი, არ შეიძლება, - ამის შესახებ საპარლამენტო უმრავლესობის ლიდერმა ზვიად კვაჭანტირაძემ ჟურნალისტებს „ქართული ოცნების“ მხარდამჭერ აქციაზე მოზარდის გარდაცვალებასთან დაკავშირებით განუცხადა.

„ოპოზიციის საქმე არის, ყველაფერი დააბრალოს ხელისუფლებას. თუ მსგავსი რამ სხვა სახის ღონისძიებაზე მოხდება, ამასაც ხელისუფლებას დააბრალებენ. ამ ფაქტს სხვანაირად უნდა მოვეპყროთ, როგორც ადამიანურ ტრაგედიას ისე. ამის პოლიტიზირების და პოლიტიკოსების გამონათქვამების კომენტირება ზედმეტად მიმაჩნია. არამგონია ეს ვინმეს სიამოვნებდეს, მითუმეტეს ბიჭის ჭირისუფალს“, - განაცხადა კვაჭანტირაძემ.

ჟურნალისტის კითხვაზე გაიზარდა თუ არა კრიმინალი ბოლო დროის განმალობაში და ეკისრება თუ არა ეს ხელისუფლებას, კვაჭანტირაძემ აღნიშნა, რომ ეს არის ტყუილი.

„თქვენ იწყებთ ნარატივით, დაწერილი ტექსტებით, რომ ქვეყანაში არის გაზრდილი კრიმინალი. ეს არის თქვენი მოგონილი თავიდან ბოლომდე. არც ერთი შეფასება, არც ერთი საერთაშორისო რეიტინგი ამას არ ადასტურებს. რა თქმა უნდა კრიმინალის გაზრდაზე პასუხისმგებლობა ხელისუფლებას ეკისრება და აუცილებლად დაეკისრება წინა ხელისუფლებასაც რომლის მეხოტბეებიც იყავით“, - მიმართა პარლამენტარმა „ტაბულას“ ჟურნალისტს.

შეგახსენებთ, რომ „ქართული ოცნების“ მხარდამჭერ აქციაზე 15 წლის მოზარდი გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.