მარიხუანას მეორადი მოხმარებისთვის პირებს თავისუფლების აღკვეთა აღარ დაემუქრებათ

2016-09-29 16:37:32, 2046 ნახვა

სამართალი

საქართველოს საკონსტიტუციო სასამართლოს პლენუმმა უზენაესი სასამართლოს წარდგინებებზე გადაწყვეტილებები გამოაცხადა.

სასამართლომ დაადგინა, რომ მარიხუანას განმეორებითი მოხმარებისთვის პირს პატიმრობა აღარ უნდა შეეფარდოს.

საკონსტიტუციომ არაკონსტიტუციურად მიიჩნია სისხლის სამართლის კოდექსის 273-ე მუხლის ნორმატიული შინაარსი, რომელიც განმეორებით, მარიხუანას პირადი მოხმარებისთვის დაკავებული პირის თავისუფლების აღკვეთას გულისხმობს.

საკონსტიტუციო სასამართლო დაეყრდნო მის 2015 წელის 24 ოქტომბერის გადაწყვეტილებას, ბექა წიქარიშვილის სარჩელზე, სადაც სასამართლომ დაადგინა, რომ არაკონსტიტუციურია სისხლის სამართლის კოდექსის 260 მუხლის ნორმატიული შინაარსი, რომელიც გამომშარალი მარიხუანას 70 გრამამდე შესყიდვისა და მოხმარებისთვის თავისუფლების აღკვეთას გულისხმობდა.

საკონსტიტუციო სასამართლოს გადაწყვეტილება ძალაში შევა საკონსტიტუციო სასამარათლოს ვებგვერდზე განჩინების გამოქვეყნებისთანავე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან