საქართველოს ყოფილი პრემიერ-მინისტრის ბიძინა ივანიშვილის შეფასებით, კარგი იქნება, თუ ყველა პოლიტიკური პარტია ე.წ. მშვიდობის მემორანდუმს ხელს მოაწერს.

თუმცა, როგორც ივანიშვილმა ჟურნალისტებს განუცხადა, ფაქტი, რომ ასეთი დოკუმენტის საჭიროება დადგა, ცუდია.

ივანიშვილის განმარტებით, შემთხვევითი არ არის, რომ აღნიშნული ინიციატივა მთავრობას ეკუთვნის, რადგან, მისივე თქმით, სწორედ ხელისუფლებაა ვალდებული, დაპირისპირებები არ მოხდეს.

„მომავალში უნდა ვიფიქროთ, რომ აღარ მოხდეს ამის საჭიროება. ვფიქრობ, წინა ხელისუფლების მმართველობის ცუდი დანატოვარია, რომ მათივე აგრესიული გამოვლინებებია ძირითადად, დაპირისპირება. ერთი პარტია ატარებს აქციას, მიდიან სხვები და ცდილობენ არევას. როცა პოლიტიკაში მოვედი, საშუალება არ გვქონდა მოსახლეობას შევხვედროდით. მათ ჰყავდათ ე.წ. ზონდერები, რომლებიც ძალიან აქტიურობდნენ და ხშირად მუშტიკრივში გადადიოდა, ქვების სროლაც იყო, ამიტომ ძალიან რთული იყო მოსახლეობასთან გასაუბრება. ჩემი აზრით, დღევანდელი ხელისუფლება ამ მხრივ პრობლემებს არ ქმნის. ცალკეული პროვოკაციები არის სხვადასხვა პარტიებიდან, მაგრამ ვალდებულება და პასუხისმგებლობა ხელისუფლებაზეა. ეს ინიციატივა შემთხვევითი არაა, ეს პრევენციის ერთ-ერთი გზაა, რადგან ხელისუფლება ვალდებულია ასეთი დაპირისპირება არ მოხდეს“,  - აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა