რუსეთი აშშ-სთან ურთიერთობების აღდგენისთვის მზად არის, - ამის შესახებ რუსეთის პრეზიდენტმა ვლადიმერ პუტინმა ჰუანჩჟოუში "დიდი ოცეულის" სამიტის შემდეგ შემაჯამებელ პრესკონფერენციაზე განაცხადა.

რუსეთის პრეზიდენტის თქმით, აშშ უსაფრთხოების სფეროსა და სხვა საკითხებში რუსეთის მნიშვნელოვანი პარტნიორია.

რუსეთის ლიდერი მიიჩნევს, რომ შეხვედრაზე ობამასთან "ურთიერთგაგების მიღწევა" გახდა შესაძლებელი.

"დღევანდელი მდგომარეობა ნორმალური არ არის. ჩვენ მხარს ვუჭერთ ურთიერთობების სრული ფორმატით აღდგენას", -აღნიშნა ვლადიმერ პუტინმა.

ამასთან, რუსეთის ლიდერის თქმით, ურთიერთობების აღდგენისთვის აშშ-მა უნდა მიიღოს გადაწყვეტილებები, მათ შორის სანქციების გაუქმებასთან დაკავშირებით.

პუტინი მიიჩნევს, რომ ვაშინგტონი კომპრომისისკენ უნდა ისწრაფოდეს. რუსეთის პრეზიდენტი ამბობს, რომ მოსკოვისა და ვაშინგრონის პოზიციები სირიის კრიზისის დარეგულირებასთან დაკავშირებით გარკვეულწილად დაახლოვდა.

"ჩვენ ვერ ვიქნებით დარწმუნებულები ვინმეს მიზნებში ასი პროცენტით და საბოლოოდ, თუმცა სირიის საკითხზე ჩვენ გვაქვს დიალოგი როგორც თურქ, ისე ამერიკელ პარტნიორებთან", - განაცხადა პუტინმა.

ბარაკ ობამასა და ვლადიმერ პუტინს შორის შეხვედრა “დიდი ოცეულის” სამიტის ფარგლებში გაიმართა. მოლაპარაკებები დაახლოებით 90 წუთს გაგრძელდა.

მთავარი განსახილველი საკითხები უკრაინის კრიზისი და სირიის კონფლიქტი იყო. როგორც მოგვიანებით ბარაკ ობამამ პრესკონფერენციაზე განაცხადა, რუსეთის პრეზიდნეტთან შეხვედრა იყო კონსტუქციული, თუმცა არა დასკვნითი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა