გულწრფელად გეტყვით, რომ ეს რუკები არ მინახავს, თქვენგან მოვისმინე, თუ ეს ასეა რა თქმა უნდა პაქტი არის ძალიან ცუდი, - ასე შეაფასა ვიცე-პრემიერმა კახი კალაძემ, რუსული კომპანია „იანდექსის“ ქართულ ბაზარზე შემოსვლა.

როგორც კალაძემ აღნიშნა, მთავრობა რუსეთთან ურთიერთობების დალაგებას ცდილობს, თუმცა მისივე თქმით, ეს ჩვენი ტერიტორიების ხარჯზე არ უნდა მოხდეს.

„ურთიერთობების დალაგებას ვცდილობთ, ეს არის ჩვენი პარტნიორების და მეგობარი ქვეყნების რჩევაც, თუმცა ეს არ უნდა მოხდეს ჩვენი ტერიტორიების ხარჯზე. ამ მიმართულებით კომპრომისი არ იქნება. ვიცი, რომ საქართველოში წლებია არსებობს სხვადასხვა რუსული კომპანიები. ვფიქრობ, რომ ხელის შეშლა ბიზნესის თვალსაზრისით ზოგადად არ იქნებოდა სწორი. ქვეყანაშ ბიზნესის კეთება ნებისმიერ კომპანიას შეუძლია. მთავარია ბოროტად არ გამოიყენონ ეს მიმართულება. რაც შეეხება კონკრეტულ შემთხვევას, ჩემთვის პირადად კატეგორიულად მიუღებელია ეს ფაქტი“, - აღნიშნა „ქართული ოცნების“ გენერალურმა მდივანმა.

შეგახსენებთ, რომ ქართულ ბაზარზე ცოტა ხნის წინ რუსული კომპანია „იანდექსი“ შემოვიდა, რომელიც მოსახლეობას ტაქსის მომსახურებას სთავაზობს. Yandex taxi-ს რუკაზე სამხრეთ ოსეთი და აფხაზეთი საქართველოს რუკიდან განცალკევებულად არის წარმოდგენილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.