მინმარში მომხდარი 6,8 მაგნიტუდის მიწისძვრის შედეგად 3 ადამიანი დაიღუპა. მსხვერპლთა შორის 2 მცირეწლოვანი ბავშვია, - ამის შესახებ ინფორმაციას საერთაშორისო ორგანიზაცია “წითელი ჯვარი” ავრცელებს.

აშშ-ის გეოლოგიური სამსახურის ცნობით, მიწისძვრის ეპიცენტრი მიანმარის ქალაქ ჩაუდან 25 კილომეტრში მდებარეობდა.

მიწისძვრა იგრძნობოდა უძველეს ქალაქ ბაგანში, რომელიც ტურისტებში დიდი პოპულარობით სარგებლობს.

სააგენტო Reuters-ის ინფორმაციით, უძველეს ქალაქში 180-ზე მეტი ტაძარი დაზიანდა. ადგილზე მობილიზებული არიან სამხედროები, რომლებიც აღდგენით სამუშაოებს უკვე შეუდგნენ.

მიწისქვეშა ბიძგები ტაილანდში, ბანგლადეშსა და ინდოეთშიც იგრძნობოდა.

შეგახსენებთ, რომ მიანმარი სეისმურად აქტიურ ზონაში მდებარეობს. 6,9 მაგნიტუდის მიწისძვრა ქვეყანაში აპრილშიც მოხდა, თუმცა ბიძგებს მსხვერპლი არ მოჰყოლია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება