თბილისის მერიაში გამწვანების რეგულაციების თემაზე შეხვედრა გაიმართა. შეხვედრას თბილისის მერი დავით ნარმანია, ექსპერტები, არასამთავრობო ორგანიზაციების წარმომადგენლები, საკრებულოს თავმჯდომარე და საკრებულოს წევრები ესწრებოდნენ. 

დავით ნარმანიამ შეხვედრაზე ხაზი გაუსვა გარემოს დაცვის და ეკოლოგიის მიმართულებით არასამთავრობო ორგანიზაციებთან თანამშრომლობის მნიშვნელობას და აღნიშნა, რომ დასმულ აქტუალურ საკითხებზე არასამთავრობო სექტორთან მერია აქტიურად თანამშრომლობს და კონკრეტულ მიმართულებებზე მუშაობა უახლოეს დღეებში დაიწყება.

„მე ვფიქრობ, რომ ჩვენი მოსაზრებები არის საერთო. ის, რომ სამსახურის რეორგანიზაცია უნდა დავიწყოთ, ამაში ყველანი ვთანხმდებით, ისევე, როგორც მარეგულირებელ ნორმებში გარკვეული ცვლილებების შეტანის აუცილებლობასაც ყველანი ვხედავთ. ასევე მნიშვნელოვანია საბჭოს ფორმირების და ამ ფორმატში გადაწყვეტილების მიღების ინსტრუმენტიც. ამიტომ, ამ საკითხებზე უახლოეს დღეებში თქვენთან ერთად დავიწყებთ მუშაობას“, - განაცხადა დავით ნარმანიამ.  

თბილისის მერის განცხადებით, მოქმედი კანონმდებლობის შესაბამისად, ის თბილისის საკრებულოს წინაშე მოხსენებით 26 აგვისტოს წარდგება. რაც შეეხება გამწვანების რეგულაციებს, სამუშაო ფორმატში მუშაობის რეჟიმი მომდევნო კვირიდან გაგრძელდება. 

„ჩემი თხოვნა იქნება თქვენს მიმართ, ვინც კონსტრუქციულ რეჟიმში მზად ხართ  ჩვენი ქალაქის სასიკეთოდ საქმე გავაკეთოთ, დავსხდეთ, ვიმუშაოთ, გავწეროთ კონკრეტული ნორმები, რაც შესაცვლელია, ერთობლივი მუშაობით შევცვლით. შემოდგომაზე აქტიურად გავაგრძელებთ გამწვანების ღონისძიებებს, ამიტომ, მოვუწოდებთ დაინტერესებულ საზოგადოებას, ჩაერთოს ჩვენთან ერთად“,-განაცხადა დავით ნარმანიამ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა