ფრაქცია "თავისუფალი დემოკრატების" თავმჯდომარის ირაკლი ჩიქოვანის ინფორმაციით, პრეზიდენტი ქვეყანაში არსებულ სავალუტო კრიზისთან  მიმართებაში  პარლამენტის რიგგარეშე სხდომის მოწვევას დათანხმდა.

ამის შესახებ ჩიქოვანმა "თავისუფალ დემოკრატებსა" და პრეზიდენტს შორის შეხვედრის დასრულების შემდეგ განაცხადა.

მისივე განმარტებით, რიგგარეშე სხდომა პროცედურების დაცვით მიმდინარე კვირის განმავლობაში გაიმართება.

ამასთან, ჩიქოვანის თქმით, გაიზიარეს პრეზიდენტის პოზიცია, რომ ამ სხდომაზე აუცილებლად უნდა იყვნენ მოწვეული საქართველოს ეროვნული ბანკის პრეზიდენტი და ეკონომიკური გუნდის მინისტრები.

"ვართ მოხარულები იმისა, რომ საქართველოს პრეზიდენტი დაგვეთანხმა, რომ ქვეყანაში არსებული სავალუტო კრიზისთან მიმართებაში უნდა შედგეს რიგგარეშე სხდომა. ჩვენ გავიზიარეთ პრეზიდენტის პოზიცია, რომ ამ სხოდმაზე აუცილებლად უნდა იყოს მოწვეული საქართველოს ეროვნული ბანკის პრეზიდენტი და ეკონომიკური გუნდის მინისტრები. ამ საკითხს ჩვენ დავაყენებთ საქართველოს პარლამენტის ბიუროს სხდომაზე და ვეცდებით ყველანაირად, რომ ეს გადაწყვეტილება იყოს მიღებული იმისათვის, რომ  შედგეს შედეგიანი და შინაარსიანი საუბარი იმისა, თუ რა ელის ჩვენს ქვეყანას სავალუტო თვალსაზრისით. ეს სხდომა გაიმართება რეგლამენტის და პროცედურების დაცვით და რიგგარეშე სხდომა იქნება ამ კვირის განამვლობაში",-განაცხადა ირაკლი ჩიქოვანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით