Google-მა ვიდეოზარების განსახორციელებლად ახალი აპლიკაცია Duo აამუშავა, - ამის შესახებ ინფორმაციას BBC ავრცელებს.

როგორც მედია საშუალება წერს, აღნიშნული აპლიკაციით Google-მა კონკურენცია ისეთ პროგრამებს გაუწია, როგორებიცაა Apple-ის FaceTime-ი,  Microsoft-ის Skype-ი და Facebook-ის Messenger-ი.

აღსანიშნვია, რომ აპლიკაცია Duo სხვა ანალოგი პროგრამებისგან მხოლოდ იმით გამოირჩევა, რომ ზარის წამოწყებამდე, მომხმარებლის კამერა წინასწარ ირთვება. 

Google-ში ვარაუდობენ, რომ აღნიშნული ფუნქცია მომხმარებლებს გაუადვილებს გადაწყვეტილების მიღებას, უპასუხონ თუ არა ზარს. 

ცნობისთვის, Google-მა აპლიკაცია ჯერ კიდევ მაისში დააანონსა, თუმცა მოხმარებაში ის რამდენიმე დღის წინ შევიდა. 

მედია საშუალების ინფორმაციით, აპლიკაცია Android-ის და Apple-ის სმარტფონებზე მუშაობს. ვიდეოზარის ხარისხი ინტერნეტის სიჩქარეზე იქნება დამოკიდებული. 

ზარის განსახორციელებლად, საკმარისია მომხმარებლის ნომერის ცოდნა. 

აღსანიშნვია, რომ აპლიკაციაში რეგისტრაცია უფასოა და Facebook-ის მეშვეობითაც იქნება შესაძლებელი. 

ცნობისთვის, Google-მა მსგავსი აპლიკაცია - Hangouts 2013 წელს გამოუშვა, თუმცა როგორც, კომპანიაში აცხადებენ, ამ აპლიკაციას ბიზნეს-მოლაპარაკებებისთვის იყენებენ.

BBC-ის ინფორმაციით, Google-ი უახლოეს მომავალში კიდევ ერთ აპლიკაცია Allo-ს პრეზენტაციას გააკეთებს. 

კომპანიის ინფორმაციით, აპლიკაცია მომხმარებელს "სწრაფი მესიჯის" ფუნქციას შესტავაზებს. ასე მაგალითად, თუ მეგობარი ძაღლის სურათს გამოგიგზავნით, აპლიკაცია ავტომატურად პასუხს შემოგთავაზებთ : "საყვარელი ძაღლია". 

აღსანიშნავია, რომ აპლიკაცია ინკოგნიტოს რეჟიმშიც იქნება ხელმისაწვდომი. ასევე მესიჯები ავტომატურად წაშლას დაექვემდებარება. ამასთანავე, აპლიკაციას Google Assistant-ის ფუნქცია და თამაშები ექნება. 

Google Assistant-ი მომხმარებელს ისეთ ფუნქციას შესთავაზებს, როგორიცაა ფილმის შერჩევა საყურებლად და მატარებლის ბილეთის შეძენა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს