სამართალდამცავებმა სამტრედიაში გამართული აქციის ერთ-ერთ მონაწილე დააკავეს

2016-08-20 21:13:47, 810 ნახვა

საზოგადოება

სამტრედიაში, პოლიციის შენობასთან გამართული აქციის ორგანიზატორთა ინფორმაციით, სამართალდამცავებმა აქციის ერთ-ერთ მონაწილე, გიორგი სოფრომაძე დააკავეს.

მათივე ცნობით, აქცია უკვე დასრულებული ქონდათ, როდესაც სოფრომაძე პოლიციელებმა ძალის გამოყენებით მანქანაში ჩასვეს და გაურკვეველი მიმართულებით წაიყვანეს.

აქციის მონაწილეებმა ამ დროისთვის კვლავ სამტრედიის პოლიციის შენობასთან გადაინაცვლეს.

სამტრედიაში, პოლიციის განყოფილებასთან გამართულ აქციაზე დაპირისპირებაც მოხდა.

აქციის მონაწილეებმა პოლიციის მანქანებისთვის საღებავების შესხმა სცადეს, რასაც პოლიციის მხრიდან წინააღმდეგობა მოჰყვა.

აქციის მონაწილეები 22 წლის დემურ სტურუას თვითმკვლელობის ფაქტს აპროტესტებდნენ და თვითმკვლელობასთან შესაძლო კავშირში მყოფი პოლიციელების დასჯას ითხოვდნენ.

აქცია "თეთრი ხმაურის მოძრაობის" ორგანიზებით გაიმართა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან