ზღვაში დაკარგული 2 ქართველი სამხედრო, ამ დრომდე ვერ იპოვეს - მათი ძებნის პროცესი შეწყდა

2016-08-17 22:19:35, 873 ნახვა

საზოგადოება

შავ ზღვაში 2 ქართველი სამხედროს, გიორგი ნანიტაშვილისა და იაგო შარაძის, ძებნის პროცესი შეწყდა.

სამძებრო სამუშაოების შეწყვეტის მიზეზი დაბალი ხილვადობაა. სამაშველო ღონისძიებები დილის 7 საათიდან განახლდება.

დაკარგული სამხედროების მშობლები თავდაცვის უწყებას დაუდევრობაში ადანაშაულებენ, რადგან წვრთნების დროს აჭარის სანაპიროზე შტორმი იყო.

თავდაცვის მინისტრმა გონიოში ვიზიტისას აღნიშნა, რომ საქმეს პირად კონტროლზე აიყვანს და დამნაშავეების ან დამნაშავის არსებობის შემთხვევაში სასჯელის ზომაც განისაზღვრება. სამხედრო პოლიციაში ფაქტზე გამოძიება უკვე მიმდინარეობს.

სამძებრო სამუშაოებში ქართველ სპეციალისტებს ამერიკელი სამხედროები და თურქი სპეციალისტები ეხმარებიან.

დღეს ადგილზე საქართველოს პრეზიდენტიც იმყოფებოდა. გიორგი მარგველაშვილი დაკარგულთა ოჯახის წევრებს შეხვდა და ადგილზე გაეცნო ძებნის ოპერაციას.

ცნობისთვის, 24 საათზე მეტია, რაც შავ ზღვაში 2 ქართველი სამხედრო დაიკარგა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან