„რესპუბლიკური  პარტიის“ წევრი ლევან ბერძენიშვილი „ექსპრესნიუსთან“ საუბრისას პარლამენტის ბიუროს სხდომის ჩაშლას ეხმაურება და აღნიშნავს, რომ პარტიული ღონისძიება პარლამენტის საქმიანობაზე მაღლა არ უნდა იდგეს.

„ბიუროს სხდომაზე იმიტომ არ მოვიდნენ უმრავლესობის წევრები, რომ მათი თქმით პარტიული ღონისძიება უფრო მნიშვნელოვანია, ვიდრე ბიურო. ეს მაინცდამაინც პასუხისმგებლიანი განცხადება არაა ეს, რომ პარლამენტართათვის პარტიული ღონისძიება ბიუროსა და პარლამენტის მუშაობაზე მაღლა იდგეს. მათ არც კი გააფრთხილეს პარლამენტის თავმჯდომარე. იმედი მაქვს, რომ ბიუროს სხდომა ხვალ შედგება, მაგრამ ეს არის „ოცნების“ დეპუტატების დამოკიდებულება პარლამენტისადმი, პარლამენტის თავმჯდომარისადმი და ზოგადად, საკუთარ საქმიანობისადმი, რომელშიც სხვათა შორის, ყველა ხელფასს იღებს. პარლამენტის წევრობა სახვეწარი არ არის. აქედან, გამომდინარე „ოცნების“ დეპუტატების საქციელი ცოტა გაუგებარი იყო“, - განაცხადა ბერძენიშვილმა.

შეგახსენებთ, რომ პარლამენტის ბიუროს სხდომა კვორუმის არარსებობის გამო ვერ ჩატარდა. სხდომას ბოიკოტის რეჟიმში მყოფი საპარლამენტო უმცირესობის წევრები არ ესწრებოდნენ. გარდა ამისა, ბიუროს სხდომაზე არ მივიდა საპარლამენტო უმრავლესობის თითქმის მთელი შემადგენლობა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს