თუ არ მიდიხარ არჩევნებზე, თუ არ ირჩევ იმ პოლიტიკურ ლიდერებს, ვინც შემდეგ გმართავენ, შენ უარს ამბობ შენს თავისუფლებაზე, - ამის შესახებ საქართველოს პრეზიდენტმა გიორგი მარგველაშვილმა ბაზალეთის ტრენინგ ცენტრში, ახალგაზრდული საარჩევნო კამპანიის „შენი ხმა ჩვენი მომავალი” გახსნისას განაცხადა.

როგორც მარგველაშვილმა აღნიშნა, „ერთმა პოლიტიკურმა მოაზროვნემ თქვა, რომ ცუდ მთავრობებს, ცუდ ხელისუფლებებს ირჩევენ კარგი ადამიანები, რომლებიც არ მიდიან არჩევნებზე“.

„ჩვენ ასე არ უნდა დაგვემართოს. თქვენ უნდა დაარწმუნოთ ამომრჩეველი, რომ თუ ის არჩევნებზე არ მივა, ამით ვერავის ვერაფერს ვერ გაუკეთებს. 10 პროცენტიც რომ მივიდეს მოსახლეობის, ან 5 პროცენტიც, არჩევნები მაინც ჩატარებულად ჩაითვლება და აირჩევა ისეთი ხალხი, ვინც არ წამოადგენს ჩვენს ნებას, მაგრამ ეს არ უნდა მოხდეს. თქვენ უნდა მიხვიდეთ ქალაქებში, სოფლებში, უნდა ელაპარაკოთ ხალხს და დაარწმუნოთ ისინი, რომ მათ უნდა გააკეთონ არჩევანი. უნდა მოუწოდოთ კარგად მოუსმინონ პოლიტიკოსებს, მოუსმინონ მათ დაპირებებს, რამდენად რეალურია მათი დაპირებები და შესრულებადია ის, რასაც ისინი ხალხს პირდებიან, უნდა დაარწმუნოთ ხალხი, რომ ამაში დეტალურად ჩაიხედონ”, - მიმართა პრეზიდენტმა ახალგაზრდებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა