იზორია: წითელაშვილთან დაკავშირებით საქმე ეხებოდა სარეჟიმო წესების და არა საიდუმლო ობიექტში შესვლის უფლების დარღვევას

2016-08-03 13:14:35, 924 ნახვა

პოლიტიკა

„გუშინ უწყებამ გადაუგზავნა მასალები პროკურატურას და დაწყებულია გამოძიება“,- ამის შესახებ თავდაცვის მინისტრმა ლევან იზორიამ ჟურნალისტებს მთავრობის სხდომის დასრულების შემდეგ გავრცელებულ ინფორმაციასთან დაკავშირებით განაცხადა, რომ ტრისტან წითელაშვილს საიდუმლო ინფორმაციებთან ჰქონდა წვდომა.

როგორც იზორიამ აღნიშნა, ადგილი ჰქონდა სარეჟიმო წესების და არა საიდუმლო ობიექტში შესვლის უფლების დარღვევას.

„გუშინ უწყებამ გადაუგზავნა მასალები პროკურატურას. დაწყებულია გამოძიება. რაც შეეხება კითხვას ჰქონდა თუ არა წითელაშვილს უფლება, გენშტაბის ხელმძღვანელმა ამაზე კომენტარი გააკეთა გუშინ. ბუნებრივია, მეც ვიყავი ამ თემით დაინტერესებული. რამდენადაც მაქვს ინფორმაცია, აქ ადგილი ჰქონდა სარეჟიმო წესების დარღვევას და არა საიდუმლო ობიექტში შესვლის უფლების დარღვევას, შესაბამისად, ტარდება გამოძიება. ეს თუ სხვა ინფორმაცია რამდენად შეესაბამება სიმართლეს, დადგინდება", - განაცხადა ლევან იზორიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან