ჩუღურეთის რაიონში საგზაო ინფრასტრუქტურის მოწესრიგება გრძელდება. კუმისის ქუჩის მცხოვრებლები ახალი, კეთილმოწყობილი გზით ისარგებლებენ. 

თბილისის მერიის ინფორმაციით, საგზაო ინფრასტრუქტურის კეთილმოწყობა რამდენიმე დღის წინ დაიწყო და თვის  ბოლოს დასრულდება. 

მატივე ინფორმაციით, კუმისის  ქუჩაზე    მიმდინარე საგზაო სამუშაოები  ჩუღურეთის რაიონის გამგებელმა ზურაბ ჩიკვილაძემ დაათვალიერა. ამ ეტაპისთვის, საგზაო სამუშაოების ფარგლებში, მოიხსნა გზის დაზიანებული საფარი, მოეწყობა ახალი ბორდიურები, მოიფრეზება გზის სავალი ნაწილი და დაიგება ასფალტის ახალი საფარი. 

„რაიონში გვაქვს ისეთი ქუჩები და ჩიხები,  სადაც გზის საფარი ათეულის წლების განმავლობაში არ შეცვლილა. ეს ქუჩა გახლავთ სწორედ ასეთი.   ჩუღურეთის რაიონის გამგეობა გეგმაზომიერად და ეფექტურად მუშაობს საგზაო ინფრასტრუქტურის მოსაწესრიგებლად. ამ ქუჩაზე სხვა ინფრასტრუქტურული სამუშაოებიც განვახორციელეთ, კერძოდ ნაგავსაყრელად ქცეულ ადგილზე გავაკეთეთ ახალი სკვერი,“ - განაცხადა ზურაბ ჩიკვილაძემ 

ჩუღურეთის რაიონში, ამ დროისთვის 30 ქუჩაზე, 34 000 კვ.მ ასფალტის საფარი დაიგო.
(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო