2016-07-25 12:13:33, 1681 ნახვა
მსოფლიო
თურქეთის ხელისუფლებამ კიდევ 42 ჟურნალისტის დაკავების ორდერი გასცა
თურქეთის ხელისუფლებამ კიდევ 42 ჟურნალისტის დაკავების ორდერი გასცა, - ამის შესახებ ინფორმაციას Reuters ავრცელებს.
როგორც მედია საშუალება წერს, ამ დროისათავის ჟურნალისტების ძებნის ოპერაციები მიმდინარეობს. თურქეთის ხელისუფლება მათ, სამხედრო გადატრიალების მცდელობაში ეჭვმიტანილ, ფეთჰულა გიულენთან კავშირში სდებს ბრალს.
შეგახსენებთ, რომ 16 ივლისის ღამეს, თურქეთის ხელისუფლებამ სამხედრო გადატრიალების მცდელობა ჩაახშო, რასაც მასობრივი დაპატიმრებები მოჰყვა. ამბოხის შედეგად 290-ზე მეტი ადამიანი გარდაიცვალა, 1 400-ზე მეტი კი დაშავდა. თურქეთში 13 ათასი ადამიანია დაკავებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
