ექსპერტის სამხედრო საკითხებში, ვახტანგ მაისაიას განცხადებით, „ისლამური სახელმწიფოს“ მხრიდან საქართველოზე თავდასხმის ალბათობა გაიზარდა.

როგორც მაიასაიამ „ექსპრესნიუსს“ განუცხადა, „ისლამური სახელმწიფო“ ახალ ტაქტიკაზე გადავიდა და ის დარტყმებს ფაქტიურად, გეოეკონომიკურ ცენტრებზე ახორციელებს.

მისივე განმარტებით, საქართველოც სატრანზიტო კომუნიკაციის გავლენის ერთ-ერთი ცენტრია და შესაბამისად, ჩვენს ქვეყანაზე თავდასხმის ალბათობა გაზრდილია.

"ზოგადად, გაიზარდა ჩვენს ქვეყანაზე თავდასხმის რისკიც იმიტომ, რომ ისლამური სახალიფო გადავიდა ახალ ტაქტიკაზე. ის, ფაქტიურად, ახორციელებს გეოეკონომიკურ ცენტრებზე დარტყმების მიყენებას. საუბარია სტამბულის აეროპორტზე, რომელიც არის საკვანძო არტერია დასავლეთ-აღმოსავლეთ სატრანზიტო კორიდორისა. აქამდე კი, დარტყმა აბრეშუმის გზის მთავარ არტერიასაც მიაყენეს. აქედან გამომდინარე, გასაგებია, საით უმიზნებს „ისლამური სახელმწიფო“. საქართველოც არის სატრანზიტო კომუნიკაციის გავლენის ცენტრი. შესაბამისად, ჩვენთან რისკის ვარაუდი კიდევ უფრო გაიზარდა. ისლამური სახელმწიფო გადავიდა უკვე გლობალური ტიპის ტერორზე. ორლანდოს ტერაქტიც ამისაკენ მიუთითებს", - აცხადებს მაისაია.

როგორც "ექსპრენიუსს" ექსპერტმა განუცხადა, საქართველო უსაფრთხოების კუთხით საშუალოზე დაბალი ეფექტურობით მუშაობს. ვახტანგ მაისაიას მიაჩნია, რომ აუცილებელია ხელისუფლების მხრიდან შემუშავდეს კონკრეტული საფრთხეების მაკლსიფიცირებელი დოკუმენტი, რომელიც ტერორისტული საფრთხეების დონეებს განსაზღვრავს.

"ჩვენმა ქვეყანამ ახალი სტრატეგიული კონცეფცია უნდა მიიღოს ტერორისტთან ბრძოლის საკითხებში. უნდა შემუშავდეს სამოქმედო გეგმა, გაიზარდოს ურთიერთანამშრომლობა სტრატეგიულ პარტნიორებთან და, რა თქმა უნდა, მიღებული იქნას კონკრეტული საფრთხეების მაკლასიფიცირებელი სპეციალური დოკუმენტი, რომლიც განსაზღვრავს ტერორისტული საფრთხეების დონეებს, რაც ჩვენს ქვეყანაში საერთოდ არ არის მიღებული.  ამ მიმართულებით, ჩვენი ქვეყანა საშუალოზე დაბალი ეფექტურობით მუშაობს", - აცხადებს მაისაია.

შეგახსენებთ, გუშინ, სტამბოლში, ათათურქის აეროპორტში მომხდარი ტერაქტის შედეგად, ბოლო მონაცმებით, 50 ადამიანი გარდაიცვალა და 147 დაშავდა. სამმა თვითმკვლელმა ტერორისტმა ჯერ “კალაშნიკოვის” ტიპის იარაღიდან გახსნა ცეცხლი, შემდეგ კი თავი აიფეთქა.

ტერაქტზე პასუხისგებლობა ამ დრომდე არავის აუღია, თუმცა თურქეთის ხელისუფლება ვარაუდობს, რომ აეროპორტზე თავდასხმა “ისლამური სახელმწიფოს” მებრძოლებმა განახორციელეს. მსხვერპლთა შორის არიან უცხო ქვეყნის მოქალაქეები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა