ირაკლი სესიაშვილს აქვს ფილოსოფიური პრობლემა, ჩვენ გვაქვს ხედვების აბსოლუტური არათანხვედრა. მას მიაჩნია, რომ მონური შრომა 21-ე საუკუნეში ნორმალურია, მე კი მიმაჩნია, რომ ეს არ არის ნორმალური, - ამის შესახებ საქართველოს თავდაცვის მინისტრმა თინა ხიდაშელმა ჟურნალისტებს განაცხადა.

ხიდაშელის თქმით, სესიაშვილის პოზიცია მისთვის გასაგებია, თუმცა ისინი სხვადასხვა მხარეს დგანან.

„ჩვენ ძალიან სხვადასხვა მხარეს ვდაგავართ. მისი პოზიცია ჩემთვის გასაგებია. ის აბსოლუტურად გულწრფელია, როდესაც გაბრაზებულია, რადგან არ ესმის, როგორ შეიძლება, 7 ლარად არ ამუშაო ახალგაზრდა კაცი „ყარაულში“. ეს სესიაშვილს არ ესმის, ისევე როგორც მე არ მესმის, რატომ არის ეს სწორი“,-აღნიშნა თინა ხიდაშელმა.

როგორც მინისტრმა განმარტა, შეიარაღებულ ძლებში წვევამდელთა გაწვევის გაუქმებაზე  პრეზიდენტის ბრძანებულება არსებობს, რომელზეც მთავრობას იმსჯელა და გადაწყვეტილება მიიღო.

„ამიტომ, მე ყველა დაპირების შესრულებას ვაპირებ, რომელიც გაიცა „ქართული ოცნების“ ხელისუფლების, პირადად ჩემს მიერ, როცა მინისტრი გავხდი. ამიტომ არაფერი სიახლე აქ არავისთვის არ იყო. უბრალოდ, როგორც გითხარით, არიან ადამიანები, რომლებსაც ფილოსოფიური პრობლემა აქვთ ან დამოკიდებულება“,-აღნიშნა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა