NBA-ის  კალათბურთელმა ზარკო ცაბარკაპამ   სასჯელაღსრულებისა და პრობაციის სამინისტროს N16 დაბალი რისკის პენიტენციური დაწესებულების  მსჯავრდებულებს მასტერკლასი ჩაუტარა.

როგორც „ექსპრესნიუსს“ სასჯელაღსრულებისა და პრობაციის სამინისტროდან აცნობეს, კალათბურთელმა  მსაჯვრდებულებთან ერთად დაწესებულების რეაბილიტირებულ სპორტულ დარბაზში  ითამაშა და  მათ საკუთარი გამოცდილება გაუზიარა.

როგორც ზარკო ცაბარკაპამ აღნიშნა, მოხარულია, რომ მიეცა შანსი მსჯავრდებულებთან ეთამაშა.

,,მშვენიერი საკალათბურთო დარბაზია და კარგია, რომ მსჯავრდებულებს შესაძლებლობა აქვთ დაკავდნენ სპორტით. ვერასოდეს წარმოვიდგენდი, რომ მათთან თამაშის შესაძლებლობა მომეცემოდა და მოხარული ვარ, რომ  ასეთი შანსი მომეცა“, -განაცხადა ზარკო ცაბარკაპამ.   

N16 პენიტენციურ  დაწესებულებაში სტუმრობისას კალათბურთელმა მინიფეხბურთის მოედანი, სასადილო, მოკლევადიანი და გრძელვადიანი პაემნების ოთახები და მსჯავრდებულების საცხოვრებელი კორპუსიც დაათვალიერა.

უწყების ინფორმაციით, სპორტსმენის მსჯავრდებულებთან შეხვედრა აშშ-ის საელჩოს ნარკოტიკებთან ბრძოლისა და სამართალდამცავ ორგანოებთან თანამშრომლობის საკითხთა საერთაშორისო ბიუროს ( INL) ორგანიზებით განხორციელდა.

მსჯავრდებულებმა სასჯელაღსრულებისა და პრობაციის სამინისტროს  კალათბურთელთან შეხვედრის მხარდაჭერისთვის მადლობა გადაუხადეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა