საქართველოს ვიზალიბერალიზაციის საკითხის განხილვა ევროპარლამენტის კომიტეტში 27 ივნისს ჩაინიშნა. ამის შესახებ ინფორმაცია ევროპარლამენტის ვებ-გვერდზე გამოქვეყნდა.

აღნიშნულ საკითხზე მომხსენებელმა მარია გაბრიელმა დღეს რეკომენდაცია მისცა სამოქალაქო თავისუფლებათა, მართლმსაჯულებისა და შინაგან საქმეთა კომიტეტს, რომ მხარი დაუჭიროს საქართველოსა და ევროკავშირს შორის სავიზო რეჟიმის გაუქმებაზე საკანონმდებლო ინიციატივის ანგარიშის პროექტს, ვინაიდან საქართველომ ვიზალიბერალიზაციის სამოქმედო გეგმით ნაკისრი ყველა ვალდებულება შეასრულა. 

საქართველოს მოქალაქეებისთვის შენგენის ზონაში უვიზო მიმოსვლის შემოღებას ევროპარლამენტში კენჭისყრის გარდა, ევროკავშირის საბჭოს მხარდაჭერა სჭირდება. ევროკავშირის საგარეო საქმეთა მინისტრებმა აღნიშნულ საკითხზე გუშინდელ სხდომაზე იმსჯელეს, თუმცა გადაწყვეტილება არ მიუღიათ. ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ განაცხადა, რომ ნიდერლანდებმა, როგორც თავმჯდომარე ქვეყანამ, საკითხი უნდა შეიტანოს ევროკავშირის მუდმივ წარმომადგენელთა კომიტეტის (COREPER) უახლოესი სხდომის დღის წესრიგში. COREPER, თავის მხრივ, ამზადებს პოზიციას ევროკავშირის საბჭოსთვის. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა