ივანიშვილის განცხადებით, საქართველომ ვიზალიბერალიზაცია შესაძლოა, სექტემბერში მიიღოს

2016-06-09 15:08:10, 589 ნახვა

პოლიტიკა

ყოფილი პრემიერ-მინისტრი ბიძინა ივანიშვილი საქართველოსთვის ვიზალიბერალიზაციის მინიჭების პროცესის გაჭიანურებას უარყოფითად აფასებს და ამბობს, რომ ჩვენი ქვეყანა დაუმსახურებლად მოექცა იმ ბევრი პრობლემის ცენტრში, რაც ბოლო პერიოდში ევროპას გადახდა.

მისივე თქმით, საქართველომ ყველა დავალება შეასრულა და ვიზალიბერალიზაციას თუ უახლოეს მომავალში არა, სექტემბერში მაინც მიიღებს.

"ამდენი დევნილი, ამდენი პრობლემები, იგივე განცხადებები, თურქეთსაც უნდა ვიზალიბერალიზაცია, კოსოვოს. საქართველომ, რომელმაც, ჩემი აზრით, გამორჩეულად, განუხრელად შეასრულა ყველა პუნქტი, იმისთვის, რომ მიიღოს ვიზალიბერალიზაცია. აქაც უნდა მოვითმინოთ, ვერ მივიღებთ მას ვთქვათ უახლოეს პერიოდში, მივიღებთ სექტემბერში, თუმცა, მოლოდინი უნდა დაგვრჩეს და ხელისუფლებამ ყველაფერი უნდა გააკეთოს, იმისთვის, რომ იქნებ მოხერხდეს და უახლოეს პერიოდში მივიღოთ“, - განაცხადა ბიძინა ივანიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან