2016-06-08 17:17:34, 930 ნახვა
სამართალი
პაატა ბურჭულაძის პარტიის ოფისის ქურდობაზე გამოძიება 177-ე მუხლით დაიწყო
პაატა ბურჭულაძის პარტიის "სახელმწიფო ხალხისთვის" ოფისის გაქურდვის ფაქტზე გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს.
ამის შესახებ "ექსპრესნიუსს" შინაგან საქმეთა სამინისტროს საზოგადოებასთან ურთიერთობის სამსახურში განუცხადეს.
მათივე ცნობით, მოპარულია პარტიის ხელმძღვანელის მდივნის პირადი ლეპტოპი.
ცნობისთვის, დავით აღმაშენებლის 150 ნომერში მდებარე პაატა ბურჭულაძის პარტიის ოფისი, დილით პარტიის თანამშრომლებს გაქურდული დახვდათ, რის შემდეგაც პარტიის წევრებმა საპატრულო პოლიცია გამოიძახეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
