კულტურისა და ძეგლთა დაცვის მინისტრ მიხეილ გიორგაძის ინფორმაციით, Maroon 5-ის კონცერტის გამო, ბათუმის მიმართულებით, მატარებლებია დამატებული. მისივე თქმით,  მომატებული მოთხოვნიდან გამომდინარე, კომპანია „ორბი“ ბინებს არემონტებს, ასევე გაზრდილია მოთხოვნა როგორც დიდ, ისე საოჯახო სასტუმროებზე:

„ჩემი ინფორმაციით დამატებულია მატარებლების შემადგენლობა, ზუსტი განრიგი ნამდვილად არ ვიცი, ალბათ, ამის გაგება არ გაუჭირდებათ იმ ადამიანებს, ვისაც აინტერესებთ ბათუმში ჩასვლა. განთავსებას რაც შეეხება, ვფიქრობ, ერთ-ერთი თვალსაჩინო მაგალითია იმ კუთხით, თუ როგორ უწყობს ასეთი პროექტები ადგილობრივი ბიზნესის განვითარებას. ჩემი ინფორმაციით, „ორბის“ სახლები, რომელბიც თითქოსდა დაკონსერვებული იყო და ვითომდა, მათი გარემონტება არ იგეგმებოდა, სწორედ მომატებული მოთხოვნიდან გამომდინარე, კომპანია „ორბი“ ბინებს არემონტებს.

დიდი მოთხოვნაა ბინების გაქირავებაზე. პრაქტიკულად, ყველა სასტუმრო გადაჭედილია, როგორც დიდი სასტუმროები,ასევე საოჯახო. ასეთი ვითარებაა არა მხოლოდ ბათუმში, არამედ კვარიათში, გონიოსა და ქობულეთში. კარგია, რომ ამდენი ადამიანი ჩადის რეგიონში, რაც  შესაბამისად აისახება  შემოსავალზე  და შემდგომ ბიუჯეტზეც“,-განაცხადა მიხეილ გიორგაძემ და დასძინა, რომ Maroon 5-ის კონცერტზე დასასწრები  30 000-მდე ბილეთია გაყიდული.

პროექტ check in Georgia-ს ფარგლებში Maroon 5 ბათუმში კონცერტს  ხვალ გამართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Big Tech. Global Legends. One Future - თიბისის მხარდაჭერით თბილისში Change Inspire 2026 გაიმართა

მოლდოვის პრემიერმინისტრი თანამდებობიდან გადადგა

გაორმაგების დღე City Mall-ში - 5 ივლისს PLUS ქულებით გადახდისას 50%-იანი ფასდაკლებით ისარგებლებთ

5 ივლისი გაორმაგების დღეა - შეიძინეთ სასურველი ნივთი PLUS ქულებით, დარჩენილი თანხა კი ნაწილ-ნაწილ გადაიხადეთ