"ისტორიის ფალსიფიცირება და მისი პოლიტიკური მიზნებისთვის გამოყენება დაუშვებელია" - ასე გამოეხმაურა აზერბაიჯანის საგარეო საქმეთა სამინისტრო გერმანიის ბუნდესტაგის მიერ სომხების გენოციდთან დაკავშირებით მიღებულ რეზოლუციას.

აზერბაიჯანის საგარეო საქმეთა სამინისტრომ გერმანიის ნაბიჯს არაობიექტური უწოდა და აღნიშნა, რომ დაუშვებელია ისტორიის პოლიტიკური მიზნებისთვის გამოყენება.

„ისტორიის ფალსიფიცირება და მისი პოლიტიკური მიზნებისთვის გამოყენება დაუშვებელია" - ნათქვამია აზერიბაიჯანის საგარეო საქმეთა სამინისტროს განცხადებაში.

განცხადებაში საგარეო უწყებამ გერმანიის ბუნდესტაგს ისიც შეახსენა, რომ „სომხეთმა თითქმის 1 მილიონი აზერბაიჯანელის მიმართ წმენდა ჩაატარა". შესაბამისად, აზერბაიჯანმა ბუნდესტაგის მიღებულ რეზოლუციას, ორმაგ სტანდარტებზე დაყრდნობით მიღებული ცალმხრივი გადაწყვეტილება უწოდა.

ცნობისთვის, გერმანიის ბუნდესტაგმა ოსმალეთის იმპერიის დროს სომხების მასობრივი მკვლელობა გენოციდად აღიარა. საპასუხოდ, თურქეთმა გერმანიიდან ელჩი გაიწვია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა