გერმანიის მიერ სომეხთა გენოციდის აღიარება, ორ ქვეყანას შორის ურთიერთობას მკვეთრად გააუარესებს. ასე უპასუხეს ოფიციალურ ანკარაში გერმანიის პარლამენტის - ბუნდესტაგის მიერ მიღებულ გადაწყეტილებას. 

შეგახსენებთ, რომ დღეს, გერმანიის ბუნდესტაგის ყველა დეპუტატმა, ორის გამოკლებით (ერთმა წინააღმდეგ მისცა ხმა, ერთმა კი, თავი შეიკავა) დაუჭირა მხარი დოკუმენტს, რომელშიც, 1915 წლის მოვლენები ოსმალეთის იმპერიის მიერ სომეხი ხალხის წინააღმდეგ ჩადენილ გენოციდად არის მოხსენიებული.

კენჭისყრას არ ესწრებოდნენ გერმანიის კანცლერი ანგელა მერკელი, საგარეო უწყების პირველი პირი ფრანკ ვალტერ-შტაინმაიერი და ვიცე-კანცლერი ზიგმარ გაბრიელი.

კენჭისყრის დაწყებამდე რამდენიმე საათით ადრე, თურქეთის პრემიერ-მინისტრმა ბინალი ილდირიმმა აღნიშნულ კენჭისყრას ანკარასა და ბერლინს შორის "მეგობრობის ტესტი" უწოდა.

31 მაისს აღნიშნულთან დაკავშირებით კომენტარი გააკეთა თურქეთის პრეზიდენტმაც. რეჯეპ ტაიპ ერდოღანი დაემუქრა ბერლინს, რომ თუკი ის აღიარებდა გენოციდს, ორ ქვეყანას შორის ურთიერთობა მკვეთრად გაუარესდებოდა.

სომხების გენოციდი უკვე აღიარებული აქვს მსოფლიოს არაერთ ქვეყანას, მათ შორის, რუსეთს, საფრანგეთს, საბერძნეთს, შვეიცარიას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა