ერაყში აფეთქებების სერიას 20-ზე მეტი ადამიანი ემსხვერპლა, - ამის შესახებ BBC იუწყება.

პოლიციისა და მედიკოსების ინფორმაციით, დაშავებულია 50-ზე მეტი ადამიანი. აფეთქებები დედაქალაქ ბაღდადსა და მიმდებარე რაიონებში განხორციელდა.

მედიის ინფორმაციით, ერთ-ერთმა თვითმკვლელმა ტერორისტმა შიიტურ რაიონ შააბში, საკონტროლო-გამშვებ პუნქტთან თავი აიფეთქა. კიდევ ერთი აფეთქება ბაღდადიდან ჩრდილოეთით მდებარე დასახლების ბაზარში მოხდა. დანაღმული მოტოციკლი ბაღდადის სადრის უბანში აფეთქდა.

სამართალდამცველების ვარაუდით, ტერაქტები "ისლამური სახელმწიფოს" მიერაა ორგანიზებული. ერაყის შეიარაღებული ძალები საერთაშორისო კოალიციის მხარდაჭერით ქალაქ ფალუჯას ექსტრემისტებისგან გასათავისუფლებლად ოპერაციას აწარმოებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტა“ კავკასიის რეგიონში UD Trucks-ის ოფიციალური იმპორტიორი გახდა

გენერალური პროკურორი - კორუფცია ყოველთვის იყო, არის და იქნება

სასჯელაღსრულების დაწესებულებაში ელენე ხოშტარიასთან მკურნალი ექიმი ვერ შედის

რა წერია საქართველოს შესახებ PACE-ს რეზოლუციაში - სრულად