20 მაისი დიდგორობაა. ყოველწლიურად, ამ დღეს ადგილობრივი მოსახლეობა ტრადიციულად დოღს აწყობს.

საბურთალოს რაიონის გამგეობის მიერ ორგანიზებულ ღონისძიებებს თბილისის მერი დავით ნარმანია, საბურთალოს რაიონის გამგებელი ბექა მიქაუტაძე და სხვა მოწვეული სტუმრები დაესწრნენ.

ღონისძიება საბურთალოს რაიონის გამგეობის მხარდაჭერითა და ადგილობრივი მოსახლეობის მონაწილეობით ჩატარდა - სოფელი დიდგორის ველზე გაიმართა კონცერტი, რომელშიც სოფელი დიღმის N210-ე საჯარო სკოლის მოსწავლეები მონაწილეობდნენ.

ამავე დღეს, ტრადიციულად იმართება შეჯიბრი ქართული სტილით ჭიდაობაში და დოღი, რომელშიც მონაწილეობა ადგილობრივმა მოჯირითეებმა მიიღეს.

„დღეს დიდგორობაა და ჩვენ უკვე მეორე წელია გვერდში ვუდგავართ ადგილობრივ მოსახლეობას იმისათვის, რომ ეს სახალხო დღესასწაული უფრო მასშტაბურად და ყველა ტრადიციის დაცვით ჩატარდეს“, - განაცხადა საბურთალოს რაიონის გამგებელმა ბექა მიქაუტაძემ.

ორივე ტურნირის გამარჯვებულები საბურთალოს რაიონის გამგეობამ მედლებით, სიგელებითა და თასებით დააჯილდოვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა