"ვისოლ ჯგუფის" პრეზიდენტ სოსო ფხაკაძის  შეფასებით, ლარის გაუფასურება საბოლოოდ შესაძლოა, საწვავის ფასზეც აისახოს.
ამის შესახებ ფხაკაძემ ჟურნალისტებს სასტუმრო "თბილისი მარიოტში" განუცხადა, სადაც ბიზნეს ასოციაციის წევრი კომპანიების წარმომადგენლებისა და ეკონომიკური გუნდის მინისტრების შეხვედრა მიმდინარეობს.
მისივე შეფასებით, ეროვნული ვალუტის გაუფასურება როგორც ბიზნესს, ისე მოქალაქეებს პრობლემას უქმნის და დღევანდელ შეხვედრაზე ბიზნესასოციაციის წევრი კომპანიების წარმომადგენლები ხელისუფლებასთან შექმნილი სიტუაციიდან გამოსვლის გზებზე იმსჯელებენ.
"ლარის კურსის დაცემა ყველასთვის ერთნირად სატკივარია, როგორც ბიზნესისთვის, ასევე მოქალაქეებისთვის. ხელისუფლებასთან გვექნება ძალიან ღია საუბარი  და ვფიქრობთ, ერთობლივი ძალისხმევით ამ სიტუაციას რაღაც გამოსავალს მოვუძებნით. დევალვაციის შემთხვევაში, საბოლოოდ ბუნებრივია ფასებზეც აისახება.  სწორედ ამაზე გვექნება დღეს ძალიან ღია და პროფესიული დისკუსია",-განაცხადა სოსო ფხაკაძემ.
მისივე თქმით, იმისათვის, რომ ლარი დასტაბილურდეს, ინვესტიცია ერთ-ერთი, მაგრამ ერთადეთი  გამოსავალი არაა.
"ხელისუფლება მართალია როდესაც ამბობს, რომ ინვესტიცია გამოსავალია, მაგრამ ის არის ერთ-ერთი და არა ერთადერთი გამოსავალი. ჩვენ გვაქვს რაღაც პროეტქები და ამ თვეში ვაპირებთ რაღაც ინვესტიციები განვახორციელოთ",-აღნიშნა სოსო ფხაკაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე