საქალაქო სასამართლოსთან აქციაზე დაკავებული ლგბტ აქტივისტების გათავისუფლება მოითხოვეს

2016-05-17 13:46:02, 1087 ნახვა

სამართალი

ფემინისტების დამუკიდებელმა ჯგუფმა და ლგბტ აქტივისტებმა თბილისის საქალაქო სასამართლოსთან აქცია გამართეს და საპატრიარქოს მიმდებარე ტერიტორიაზე გამთენიისას დაკავებული მათი აქტივისტების გათავისუფლება მოითხოვეს.

როგორც „ქსპრესნიუსს“ დამოუკიდებელ ფემინისტთა ჯგუფის წარმომადგენლებმა განუცხადეს, მათი მეგობრები უკანონოდ დააკავეს, რადგან ისინი არც შენობას, არც ფასადს და არც კულტურული მემკვიდრეობის ძეგლს არ აზიანებდნენ. მათივე შეფასებით, დაკავებულებთან მიმართებაში შერჩევითმა სამართალმა იმუშავა.

ფემინისტთა ჯგუფის წარმომადგენლების თქმით, დღეს სახელწმიფომ ლგბტ უფლებადამცვლების დაცვის უზრუნველყოფა ვერ მოახერხა.

„მეტიც, სახელმწიფომ დაიწყო ჩვენი დევნა და შევიწროვება“,-აცხადებენ ისინი.

თბილისის საქალაქო სასამართლოში დაკავებული ლგბტ აქტივისტების სასამართლო პროცესი იწყება.

სასამართლოსთან დაკავებულების ინტერესების დამცველები იმყოფებიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან