„ახლა მოდაშია, რომ ყველაფერი ბიძინა ივანიშვილს მიაწერო“,-ასე გამოეხმაურა ფრაქცია „ქართული ოცნების“ თავმჯდომარე გია ვოლსკი ე.წ. კაბელების საქმეზე დაკავებულებისთვის პატიმრობის შეფარდებას. ვოლსკი საქმესთან დაკავშირებით პოლიტიკურ მოტივებს გამორიცხავს. „ახლა მოდაშია, რომ ყველაფერი ბიძინა ივანიშვილს მიაწერო, რთულია შეფასება. დამერწმუნეთ, ნებისმიერი ადამიანისთვის ასეთი მაღალი სასჯელი საკმაო ემოციასთან არის დაკავშირებული და ხშირ შემთხვევაში, ემოციები უფრო მეტია, ვიდრე განსჯა საქმესთან დაკავშირებით. ამაზე მეტს ვერაფერს ვიტყვი. არსებობს სასამართლო სისტემა და გასაჩივრებაც შესაძლებელია “ - განაცხადა გია ვოლსკიმ. შეგახსენებთ, ე.წ. კაბელების საქმეზე ბრალდებულ 5 პირს 7-7 წლით პატიმრობა მიესაჯა. გადაწყვეტილების გამოცხადებას ხმაური მოჰყვა, რის გამოც მოსამართლემ სხდომა დახურა და განაჩენი ისე გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ