ნოდარ ხადური საერთაშორისო სავალუტო ფონდის მისიას შეხვდა

2016-05-16 13:02:40, 924 ნახვა

ეკონომიკა

საერთაშორისო სავალუტო ფონდის IV მუხლის (Article IV) ფორმატში თბილისში იმყოფება ფონდის მისია, რომელსაც მარკ გრიფიტსი ხელმძღვანელობს.

ფინანსთა სამინისტროს ინფორმაციით, მისიის წარმომადგენლებს დღეს ფინანსთა მინისტრი ნოდარ ხადური შეხვდა.

სხვადასხვა საკითხთან ერთად, განიხილება ისეთი საკითხები, როგორებიცაა: ქვეყნის ზოგადი მაკროეკონომიკური პოლიტიკა, კონკურენტუნარიანობა, ინკლუზიური ზრდა, ტურისტული შესაძლებლობების განვითარება.

ფონდის წარმომადგენლების ვიზიტი საქართველოში ორი კვირა გაგრძელდება.

აღნიშნულ პერიოდში, მისიის წევრები საქართველოს მთავრობასთან და ეროვნულ ბანკთან გააგრძელებენ მუშაობას ქვეყნის ფისკალურ და მონეტარულ პოლიტიკასთან დაკავშირებულ საკითხებზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან