პოლიტოლოგ ნიკა ჩიტაძის შეფასებით, პაატა ბურჭულაძისა და მისი პარტიიის „სახელმწიფო ხალხისთვის“ კრიტიკა სხვა პარტიების მხრიდან კონკურენციითაა განპირობებული.

როგორც პოლიტოლოგმა „ექსპრესნიუსს“ განუცხადა, პაატა ბურჭულაძეს რეალური შანსი აქვს კონკურენცია გაუწიოს ნებისმიერ პარტიას არა მარტო ბურჭულაძის ავტორიტეტის მეშვეობით, არამედ პარტიის ინტელექტუალური რესუსრსისა და სუფთა წარსულის მქონე პოლიტიკოსების წყალობით.

„პირველ რიგში ეს განპირობებულია იმით, რომ დღეს მოქმედ პოლიტიკურ ძალებს პაატა ბურჭულაძის „სახელმწიფო ხალხისთვის“ სახით სერიოზული კონკურენტი გამოუჩნდა. ეს ახლად დააფუძნებული პარტია საკმაოდ ანგარიშ გასაწევ ძალას წარმოადგენს. ამას განაპირობებს როგორც ბატონ პაატას მაღალი ავტორიტეტი, ასევე პარტიის ინტელექტუალური რესურსი.

ყველანი აცნობიერებენ, რომ ეს არის კონკურენტუნარიანი ძალა. ბევრი ისეთი ადამიანია პარტიაში, რომლებსაც სუფთა პოლიტიკური წარსული აქვს, ესეც ალბათ მისი უპირატესობაა ბევრ სხვა პოლიტიკურ პარტიებთან შედარებით.

ამომრჩევლის ნახევარზე მეტს ჯერ არ აქვს გადაწყვეტილი ვის მისცეს ხმა. აბსოლუტურად რეალურია, რომ ამ პარტიამ - „სახელმწიფო ხალხისათვის“ ელექტორატის გარკვეული ნაწილის მხარდაჭერა მოიპოვოს“, - განუცხადა ნიკა ჩიტაძემ „ექსპრესნიუსს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ

გაეროს ადამიანის უფლებათა საბჭოში საქართველოზე კრიტიკული ანგარიში მომზადდა

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით