დავით ნარმანია: ჩვენი და უმცირესობის ამოცანები ერთმანეთს არ ემთხვევა

2016-05-10 15:54:28, 369 ნახვა

პოლიტიკა

ჩვენი და უმცირესობის ამოცანები ერთმანეთს არ ემთხვევა, სწორედ ამიტომ გადავწყვიტე, მათ დაძახილზე არ მივსულიყავი საკრებულოში, - ამის შესახებ თბილისის მერმა დავით ნარმანიამ განაცხადა.

მისივე თქმით, საკრებულოში მისვლის გადაწყვეტილება საკრებულოს უმრავლესობის მიწვევის საფუძველზე და მაღალი საზოგადოებრივი ინტერესიდან გამომდინარე მიიღო.

„თბილისის საკრებულოს უმრავლესობის მიწვევის საფუძველზე და მაღალი საზოგადოებრივი ინტერესიდან გამომდინარე, მივიღე გადაწყვეტილება, რომ 17 მაისს მივიდე საკრებულოში. კიდევ ერთხელ ვისაუბრო იმ პროექტის სიკეთეებზე, რომელიც დაკავშირებულია ქალაქში საკმაოდ მნიშვნელოვან განვითარებასთან, დამატებით რეკრეაციული სივრცის გაჩენასთან და საგზაო ინფრასტრუქტურასთან, რაც ქალაქის ორი ნაწილის ერთმანეთთან დასაკავშირებლად მნიშვნელოვანია.

უმცირესობის წარნომადგენლების მთავარი ამოცანაა, შოუს მოწყობა, რაც ჩვენი ამოცანა არ არის. ჩვენი ამოცანები ერთმანეთს არ ემთხვევა, სწორედ ამიტომ გადავწყვიტე, მათ დაძახილზე არ მივსულიყავი საკრებულოში. მქონდა უმრავლესობასთან კონსულტაციები და შესაბამისად მივიღე გადაწყვეტილება", - აღნიშნა დავით ნარმანიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან