წასულებზე ცუდს არ ლაპარაკობენ,  - ასე გამოეხმაურა „ნაციონალური მოძრაობის“ ერთ-ერთი ლიდერი კობა სუბელიანი გიორგი ვაშაძის მიერ პარტიის დატოვებას. 

როგორც კობა სუბელიანმა ჟურნალისტებს განუცხადა, დასანანია, როდესაც ადამიანს, საარჩევნო სიის ათეულში ყოფნა სურს, გუნდისგან მიიღებს უარს და ასეთ ნაბიჯს გადადგამს.

კითხვაზე, ეთანხმება თუ არა თანაგუნდელების მოსაზრებას,  რომ ვაშაძის წასვლა ბიძინა ივანიშვილის ფაქტორს უკავშირდება, სუბელიანი ამბობს, რომ ხელაღებით ვერავის დაადანაშაულებს, თუმცა ყველა ის გადაწყვეტილება, რომელიც ივანიშვილის წისქვილზე დაასხმას წყალს, „ნაციონალური მოძრაობისთვის“ საზიანო შეიძლება აღმოჩნდეს.

ცნობისთვის, „ნაციონალური მოძრაობის“ ოფისში პარტიის პოლიტსაბჭოს სხდომა მიმდინარეობს.

სუბელიანის თქმით, პოლიტსაბჭოზე საუბარი შეეხება საარჩევნო გეგმებს და რაიონული ორგანიზაციების მუშაობის საკითხს.

შეგახსენებთ, რომ გიორგი ვაშაძემ "ერთიანი ნაციონალური მოძრაობა" დატოვა და პარტიის ლიდერებს - გიგა ბოკერიას, დავით ბაქრაძეს, მიხეილ მაჭავარიანს, ხათუნა გოგორიშვილსა და გოკა გაბაშვილს დაუპირისპირდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს