„ქვეყანაში გარკვეულწილად შეიქმნა მოლოდინი, რომ პაატა ბურჭულაძე აპირებს პოლიტიკაში ინტეგრაციას“, - ასე გამოეხმაურა  „ექსპრესნიუსთან“  საუბარში  პოლიტოლოგი გია ხუხაშვილი IRI-ის კვლევის შედეგებს, რომლის თანახმადაც პოლიტიკოსთა მოწონების რეიტინგში  პაატა ბურჭულაძე ლიდერობს.

ხუხაშვილის შეფასებით, ბურჭულაძის ლიდერობა  შესაძლოა გამოწვია იმან, რომ ქვეყანაში პოლიტიკური ელიტის კრიზისია.

„გარკვეულწილად  ქვეყანაში  შეიქმნა მოლოდინი, რომ პაატა ბურჭულაძე აპირებს პოლიტიკაში ინტეგრაციას. გამომდინარე იქიდან, რომ პოლიტიკური  ელიტის კრიზისი გვაქვს ახალი ფიგურების გამოჩენა  ყოველთვის საინტერესო ხდება და რაღაც  ინტრიგას ქმნის. ალბათ ერთ-ერთი მიზეზი ეს არის. შეიძლება რაღაც სხვა მიზეზებიც არის, რომელთა  შესახებაც არაფერი ვიცი“, - აღნიშნა ხუხაშვილმა.

ცნობისთვის, საერთაშორისო რესპუბლიკური ინტიტუტის (IRI) კვლევების ანალიზის ცენტრის მიერ გამოქვეყნებული ახალი გამოკითხვის თანახმად, პოლიტიკოსთა მოწონების რეიტინგში "საქართველოს განვითარების ფონდის” ხელმძღვანელი პაატა ბურჭულაძე ლიდერობს 75%-ით, მეორე ადგილზე ჯანდაცვის მინისტრი დავით სერგეენკოა 64%%-ით, მესამე მეოთხე ადგილებს კი „თავისუფალი დემოკრატების“ ლიდერი ირაკლი ალასანია და საქართველოს პრეზიდენტი გიორგი მარგველაშვილი ინაწილებენ 60-60%-ით.

რაც შეეხება საქართველოს პრემიერ-მინისტრის გიორგი კვირიკაშვილს კეთილგანწყობას, მას 56%-იანი მაჩვენებელი აქვს, „ნაციონალური მოძრაობის“ ერთ-ერთი ლიდერ დავით ბაქრაძეს კი, 54%-იანი მაჩვენებელი.

რეიტინგში შემდეგ მოდიან ”ლეიბორისტული პარტიის” ლიდერი ლიდერი შალვა ნათელაშვილი - გამოკითხულთა 50 %-ის კეთილგანწყობით,  პარლამენტის თავმჯდომარე, დავით უსუფაშვილი - 48%-იანი კეთილგანწყობით და ენერგეტიკის მინისტრი, ვიცე-პრემიერი კახა კალაძე კეთილგანწყობის 36%-იანი მაჩვენებლით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს