სოფლის მეურნეობის მინისტრმა, ოთარ დანელიამ და  გურიის მხარის გუბერნატორმა,  გია სალუქვაძემ  დაბა ანასეულში სოფლის მეურნეობის სამინისტროს სამეცნიერო-კვლევითი ცენტრის დიაგნოსტიკური ლაბორატორიის შენობის სარემონტო სამუშაოები დაათვალიერეს. 

სარეკონსტრუქციო სამუშაოების დასრულების შემდეგ, ნიადაგისა და სურსათის დიაგნოსტიკური ცენტრი „ანასეული“, რომელსაც საქმიანობის 50 წლიანი გამოცდილება აქვს,  დასავლეთ საქართველოში უმნიშვნელოვანესი სამეცნიერო-კვლევითი ბაზა გახდება. უახლოეს მომავალში დაიწყება ანასეულის ლაბორატორიის  თანამედროვე ტექნიკით აღჭურვა.   ცენტრში  კვლევებისა და დიაგნოსტიკის ჩატარების გარდა, ჩაისა და  სხვა მრავალწლოვანი და ერთწლოვანი სუბტროპიკული კულტურებისთვის საცდელ-სადემონსტრაციო ნაკვეთებიც მოეწყობა. ასევე დაგეგმილია  ჩაის სანერგე მეურნეობის მოწყობა, სელექციური ჯიშებისა და კლონების შეგროვება და მცენარეთა გენეტიკური ბანკის შექმნა.

ოთარ დანელიამ და სოფლის მეურნეობის სამინისტროს წარმომადგენლებმა  სურსათის ეროვნული სააგენტოს ოზურგეთის რეგიონული ოფისიც დაათვალიერეს, სამსახურის თანამშრომლებს შეხვდნენ  და მუშაობის პროცესს ადგილზე გაეცნენ.

სურსათის ეროვნული სააგენტოს ოზურგეთის რეგიონული სამსახურის ახალი შენობა დონორი ორგანიზაციების მხარდაჭერით აშენდა  და გასულ წელს გაიხსნა. რეგიონის   მოსახლეობას საშუალება აქვს მიიღოს მომსახურება ვეტერინარიის, სურსათის უვნებლობის და ფიტოსანიტარიის მიმართულებით. სამსახურში დასაქმებულია 17 ადგილობრივი სპეციალისტი, რომლებიც  მუდმივ რეჟიმში ახორციელებენ სასწავლო დაწესებულებების კვების ბლოკების შემოწმებას. მათი რეკომენდაციების საფუძველზე, რეგიონის 50-მდე საბავშვო ბაღის კვების ბლოკში ჩატარდა სარეაბილიტაციო სამუშაოები და გაუმჯობესდა პირობები.

სურსათის ეროვნული სააგენტოს სპეციალისტების  მიერ,  დასავლეთ საქართველოში, მათ შორის გურიის რეგიონში გავრცელებული საშიში მავნებლის ამერიკული თეთრი პეპალის წინააღმდეგ ჩატარებული ფარტომასშტაბიანი სამუშაოების შედეგად, მავნებლის გავრცელება მინიმუმამდეა შემცირებული.
სურსათის ეროვნული სააგენტოს სპეციალისტების მიერ ხორციელდება გურიის რეგიონში არსებული  4 სასაკლაოს მონიტორინგიც. შესაბამისად, სამომხმარებლო ბაზარზე ვეტერინარული ზედამხედველობით დაკლული, უვნებელი ხორცის წილის გაიზარდა.

,,სურსათის უვნებლობის უზრუნველყოფა ერთ-ერთი უმნიშვნელოვანესი მიმართულებაა. ზაფხულის სეზონის დადგომასთან ერთად, ქვეყნის მასშტაბით იზრდება ტურისტების რაოდენობაც. შესაბამისად, ადგილობრივ ბაზარზე უვნებელი სურსათის არსებობის უზრუნველყოფისთვის, სურსათის ეროვნული სააგენტოს გამართული მუშაობა აუცილებელია“, -აღნიშნა ოთარ დანელიამ.

სოფლის მეურნეობის მინისტრთან ერთად გურიის რეგიონში სოფლის მეურნეობის მინსიტრის მოადგილე იური ნოზაძე, სურსათის ეროვნული სააგენტოს უფროსი ზურაბ ჩეკურაშვილი და სოფლის მეურნეობის სამეცნიერო ცენტრის დირექტორი ლევან უჯმაჯურიძე  იმყოფებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს