"შსს საზოგადოებაზე ორიენტირებულ ორგანიზაციად გადავაქციეთ, მივიღეთ  პოლიციის შესახებ კანონი, რომელიც ადამიანის უფლებათა დაცვის უმაღლეს სტანდარტებს ნერგავს", -ამის შესახებ საქართველოს პრემიერმინისტრმა გიორგი კვირიკაშვილმა ევროსაბჭოს საპარლამენტო სესიაზე სიტყვით გამოსვლისას განაცხადა.

მისივე თქმით, კანონი პოლიციის შესახებ, ადამიანის უფლებათა დაცვის უმაღლეს სტანდარტებს ნერგავს.

 "შსს გადავაქციეთ საზოგადოებაზე ორიენტირებულ ორგანიზაციად. შევქმენით და მივიღეთ ახალი კანონი პოლიციის შესახებ, რომელიც ადამიანის უფლებათა დაცვის უმაღლეს სტანდარტებს ნერგავს, სამართლიანობის, თანასწორუფლებიანობის, პოლიტიკური ნეიტრალიტეტის განმტკიცებას უზრუნველყოფს", - განაცხადა გიორგი კვირიკაშვილმა.

მანვე ხელისუფლების მუშაობის დღის წესრიგზეც ისაუბრა, სადაც პრიორიტეტი სამუშაო ადგილებია:

"ჩვენი დღის წესრიგი უპრეცედენტოდ ყოვლისმომცველია. პირველ რიგში სამუშაო ადგილების შექმნა, რეფორმის 4 პუნქტიანი დღის წესრიგის  მიხედვით,  ინვესტიციებისა და ბიზნესის შემდგომი ლიბერალიზაციისთვის. მეორე-ადამიანების ხელშეწყობა უნარ-ჩვევების გაძლიერების გზით, რათა მაქსიმალურად შემცირდეს შეუსაბამობა პროფესიების, სპეციალისტთა მიწოდებასა და მოთხოვნას შორის. მესამე-ინკლუზიურ გადაწყვეტილებათა მიღების პროცესის უზრუნველყოფის გზით ღია მმართველობის გაძლიერება", - აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს