განათლებისა და მეცნიერების სამინისტროსთან ტექნიკური უნივერსიტეტის, არჩილ ფრანგიშვილის გადადგომის მოთხოვნით, არასამთავრობო ორგანიზაციებმა, ტექნიკური უნივერსიტეტის მოშიმშილე ლექტორებმა და სტუდენტებმა აქცია გამართეს. აქციის მონაწილეობას რაოდენობა 20 ადამიანამდე იყო.

როგორც მოძრაობა „ხალხის ხმის“ ხელმძღვანელმა ნიკა მემანიშვილმა განაცხადა, ისინი არჩილ ფრანგიშვილის გადადგომის გარდა ასევე განათლების მინისტრ თამარ სანიკიძესთან შეხვედრასაც ითხოვენ.

აქციის ერთ-ერთი ორგანიზატორმა ისიც აღნიშნა, რომ მსგავსი აქციები დაახლოებით ხუთი წლის წინაც გამართეს, თუმცა განათლების სისტემაში ფუნდამენტური ცვლილებები  არ განხორციელებულა.

„როდესაც შეიცვალა ხელისუფლება განათლების სისტემაში ის ადამიანები დარჩნენ, რომლებიც პოლიტიზირებულები არიან. თუ მაშინ ასრულებდნენ „ნაციონალური მოძრაობის“ მითითებებს, დღეს „ოცნების“ დროშა ამოიღეს“, - განაცხადა მემანიშვილმა.

აქციის თანაორგანიზატორის თქმით, უნივერსიტეტში ისევ „ოდეერების“ სისტემაა და სტუდენტები ისევ სპორტისა და ახალგაზრდობის საქმეთა სამინისტროდან იმართებიან. მისივე თქმით, თვითმმართველობა პარტიული დანამატია.

„მოვითხოვთ არჩილ ფრანგიშვილის გადადგომას რადგან მისი რექტორობის დროს განსხვავებულ აზრს დევნიდნენ, სტუდენტებს სცემდნენ. ოთხი სტუდენტი ტყეში გაიტაცეს და მას შემდეგ არაფერი შეცვლილა. ვითხოვთ ფუნდამენტურ ცვლილებებსს, წინააღმდეგ შემთხვევაში აქციების გამართვას გავაგრძელებთ და მივმართავთ უკიდურეს ფორმებს - დავიწყებთ შიმშილობას განნათლების სამინისტროსთან“, - განაცხადა მემანიშვილმა.

მისივე თქმით, თანამდებობა ტექნიკური უნივერსიტეტის რექტორის გარდა განათლების მინისტრმაც უნდა დატოვოს.

„ყველაფერს გავაკეთებთ რომ განათლების მინისტრი სისტემას მოცილდეს, ვთვლით რომ ვერ შეასრულა თავისი მოვალეობები, ამიტომ თანამდებობა მანაც უნდა დატოვოს“, - აღნიშნა მემანიშვილმა.

ამ დროისთვის აქცია დასრულებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს