პრეზიდენტის ადმინისტრაციის უფროსი საარჩევნო თარიღზე: 8 ოქტომბრის შეცვლა არ განიხილება

2016-04-16 21:48:11, 458 ნახვა

პოლიტიკა

"8 ოქტომბრის შეცვლა არ განიხილება" - საარჩევნო თარიღის შესახებ საქართველოს პრეზიდენტის ადმინისტრაციის უფროსმა გიორგი აბაშიშვილმა "კურიერის" პირდაპირ ეთერში განაცხადა.

აბაშიშვილის თქმით, კონსულტაციების შედეგად, ჩამოყალიბდა, რომ არჩევნები გაიმართოს 8 ოქტომბერს.

"8 ოქტომბრის შეცვლა არ განიხილება. თავდაპირველად პრეზიდენტის პოზიცია, როდესაც ამ თემაზე დაიწყო საუბარი, იყო ის, რომ ეს ყოფილიყო ოქტომბრის მეორე ნახევარში. მაგრამ, ვინაიდან საჭიროა აქტის კონტრასიგნაცია, ამ კუთხით საჭიროა პრემიერს თანხმობა აქტზე," - განაცხადა გიორგი აბაშიშვილმა.

მან იქვე აღნიშნა, რომ პრეზიდენტის და პრემიერის კომუნიკაცია ყოველთვის არის კონსტრუქციული.

"ყოველთვის ძალიან მეგობრულ გარემოში მიმდინარეობს ხოლმე სხვადასხვა ტიპის საუბრები, ასეთივე შეთანხმება შედგა. ძალიან სამწუხაროა, როცა პრეზიდენტის და პრემიერი თანხმდებიან და შემდგომ ხდება გადაწყვეტილება ისე, რომ შეთანხმება იცვლება," - განაცხადა გიორგი აბაშიშვლიმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან