2016-04-15 17:29:41, 1253 ნახვა
მსოფლიო
პოროშენკო, ოლანდი და მერკელი რუსეთს სავჩენკოს გათავისუფლებისკენ მოუწოდებენ
პოროშენკო, ოლანდი და მერკელი რუსეთის ხელისუფლებას ნადია სავჩენკოს გათავისუფლებისკენ მოუწოდებენ, - ამის შესახებ რუსული მედია წერს.
ლიდერებმა უკრაინელი მფრინავის პატიმრობის საკითხი სატელეფონო საუბრის დროს განიხილეს და აღნიშნეს, რომ ნადეჟდა სავჩენკოს ჯანმრთელობის მდგომარეობა, შიმშილობის გამო, მკვეთრად გაუარესდა.
შეგახსენებთ, რომ უკრაინელი პილოტი რუსი ჟურნალისტების მკვლელობის ბრალდებით გაასამართლეს და 22 წლიანი პატიმრობა მიუსაჯეს. მან კი პროტესტის ნიშნად კვლავ შიმშილობა დაიწყო.
ცნობისთვის, ვლადიმერ პუტინმა გუშინელი სატელევიზიო პრესკონფერენციის შემდეგ დაადასტურა, რომ უკრაინელი მფრინავის შესაძლო გადაცვლის საკითხი განხილვის პროცესშია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
