საპარლამენტო უმცირესობის წევრებსა და მანანა კობახიძეს შორის სიტყვიერი დაპირისპირება მოხდა

2016-04-13 19:07:38, 507 ნახვა

პოლიტიკა

პარლამენტის პლენარულ სხდომაზე ვიცე-სპიკერ მანანა კობახიძესა და "ნაციონალური მოძრაობის" წევრებს შორის სიტყვიერი დაპირისპირება მოხდა.

"ნაციონალური მოძრაობა" განცხადებებისთვის დროის დამატებას ითხოვდა, მანანა კობახიძე კი ამბობდა, რომ ერთ საათიან განცხადებებზე ბიუროს სხდომაზე არ შეთანხმებულან.

საკმაოდ დიდი ხნის განმავლობაში მიმდინარეობდა საპარლამენტო უმცირესობის დეპუტატებსა და მანანა კობახიძეს შორის კამათი იმის თაობაზე, გაგრძელებულიყო თუ არა განცხადებები კიდევ ნახევარი საათით. საბოლოოდ, კობახიძემ საკითხი ელექტრონულ კენჭისყრაზე დააყენა და ხმათა უმრავლესობით, სხდომა პოლიტიკური განცხადებების რეჟიმში განახლდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან