2016-04-13 17:29:28, 1283 ნახვა
რეგიონი
არჩილ ხაბაძემ სოფელ ხუცუბანში ჩაის დამამზადებელი საწარმო მოინახულა
აჭარის მთავრობის თავმჯდომარე არჩილ ხაბაძე და აჭარის ფინანსთა და ეკონომიკის მინისტრი დავით ბალაძე ქობულეთში, სოფელ ხუცუბანში მდებარე საწარმოების მშენებლობის პროცესს გაეცნენ.
მთავრობის წარმომადგენლებმა ჩაის დამამზადებელი და ასევე ალკოჰოლის საწარმო მოინახულეს.
აჭარის მთავრობის ადმინისტრაციის პრესსამსახურის ინფორმაციით, ჩაის დამამზადებელი საწარმო ადგილობრივი ჩაის ნახევარფაბრიკატების მიღებას ახორციელებს, შემდეგ მისი დამუშავება და 2 კგ პაკეტში დაფასოვება ხდება. ამ ეტაპზე საწარმოში 40 ადამიანია დასაქმებული.
შპს „ემირი" პროდუქციის ექსპორტს მონღოლეთსა და რუსეთში აწარმოებს. ჯამში პროექტში 750 000 ლარის ინვესტიცია განხორციელდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
