"მაუწყებლობის შესახებ" კანონი  მხოლოდ "რუსთავი2"-თან არის დაკავშირებული, რომ როგორმე კომერციული და  ფინანსური ზარალი განიცადოს,-ამის შესახებ ფრაქცია "თავისუფალი დემოკრატების" წევრმა ზურაბ აბაშიძემ ჟურნალისტებს განუცხადა.

თავად აბაშიძემ  "მაუწყებლობის შესახებ" კანონში ცვლილებებს მესამე მოსმენით განხილვისას მხარი არ დაუჭირა.

"მე წინააღდმეგი მივეცი ხმა ამ კანონს, რადგან ეს ყველაფერი დაკავშირებულია მხოლოდ ერთ ტელევიზიასთან, ეს არის "რუსთავი2", მიუხედავად იმისა, ვის მოწონს, ვის არ მოსწონს ეს ტელევიზია. საუბარია იმაზე, რომ ამ ტელევიზიამ  განიცადოს კომერციული და ფინანსური ზარალი. ეს გადაწყვეტილება სწორედ ამაზე იყო გათვლილი, როდესაც ევრორეგულაციები, ევროდირექტივები უნდა ამოქმედებულიყო  გარკვეული წლების განმავლობაში. დაჩქარებული წესით მიიღეს ეს კანონი და ნეტავი ჩვენი ხელისუფლება ცდილობდეს  ევროდირექტივების  სხვა მიმართულებით შესრულებას. ეს არის პირდაპირი დევნა ჩვენი ტელევიზიისა,  რომელიც საქართველოშია",-განაცხადა ზურაბ აბაშიძემ.

ცნობისთვის, პარლამენტმა მესამე მოსმენით განიხილა და 65 ხმით, 33ი-ს წინააღმდეგ მიიღო კანონპროექტი „მაუწყებლობის შესახებ“ კანონში ცვლილების შეტანის თაობაზე“. პარლამენტის დარგობრივი ეკონომიკისა და ეკონომიკური პოლიტიკის კომიტეტის ინიციატივით, ახლებურად განისაზღვრა მთელი რიგი მუხლები, ახლებურად ჩამოყალიბდა ტერმინების - „კომერციული რეკლამა“ და „ტელეშოპინგი“ დეფინიციები. განისაზღვრა კომერციული რეკლამის მოცულობა კონკრეტულ შემთხვევებში. ტერმინთა განმარტებას ასევე დაემატა - პროგრამაში პროდუქტის (საქონლის/მომსახურების) განთავსება და შესაბამისი მუხლი აისახა კანონშიც. განისაზღვრა „სამაუწყებლო საათი“-ს განმარტება. დაზუსტდა სოციალური რეკლამა და ასევე ზოგიერთი სხვა დეფინიცია. განისაზღვრა სპონსორების შესახებ მითითების და სპონსორზე მითითების აკრძალვის რეგულაციები და კანონს ასევე დაემატა ჩამონათვალი იმ სახის პროგრამებისა, რომელთა სპონსორობაც იკრძალება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა

Procter & Gamble-მა სანქცირებულ TV იმედთან თანამშრომლობა შეწყვიტა