საქართველოს თავდაცვის მინისტრი თინა ხიდაშელი რუმინეთში ოფიციალურ ვიზიტის ფარგლებში რუმინეთის პრეზიდენტის მრჩეველს ეროვნული უსაფრთხოების საკითხებში იონ ოპრიშორმს შეხვდა. 

როგორც "ექსპრესნიუსს" თავდაცვის სამინისტროდან აცნობეს, შეხვედრის ძირითადი თემა საქართველოს ნატოში ინტეგრაცია იყო. მხარეებმა ასევე უსაფრთხოებისა და თავდაცვის საკითხებში ურთიერთთანამშრომლობასა და ნატოს ვარშავის სამიტთან დაკავშირებულ მოლოდინებზე ისაუბრეს.

„შეხვედრა გაიმართა პრეზიდენტის ადმინისტრაციაში, კერძოდ, უშიშროების საბჭოში. საქართველოს მსგავსად რუმინეთში და ბევრ ქვეყანაში, პრაქტიკულად, ყველგან პრეზიდენტი არის მთავარსარდალი და, შესაბამისად, უსაფრთხოებისა და თავდაცვის საკითხებზე ერთ-ერთი მთავარი სტრუქტურა და ორგანო არის, სწორედ, უშიშროების საბჭო. ვარშავის სამიტზე, სწორედ, ისინი იქნებიან რუმინეთის წარმომადგენლები, ამიტომ, ბუნებრივია მნიშვნელოვანი იყო, გაგვეცვალა ინფორმაცია, გზავნილები, გვესაუბრა სტრატეგიებსა და ტაქტიკაზე, რომლითაც ვფიქრობთ, რომ მივიდეთ სამიტზე“,- განაცხადა თინათინ ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ